حفل تخرج CUBS العرض الختامي للدفعة الأولى

أبرز ما يميّز التجربة

• 13 مشهد وفقرة ابتكروا فكرتها بأنفسهم
• 30 مشارك من عمر 7 إلى 16 على خشبة وحدة
• تسليم شهادات أول دفعة في CUBS
• تذكرتان مجانيتان لكل عائلة مشارك برمز خاص
• الجلوس حر بدون أرقام للمقاعد

معلومات عامة

الوصف

CUBS نادي مسرح للأطفال واليافعين من معهد فنك للمواهب والفنون، يجمع المسرح والحركة والتعبير والارتجال وصناعة الأفكار. على مدى شهر، اشتغل 30 مشارك في مجموعتين حسب العمر (7–11 و12–16): 12 جلسة، 36 ساعة تدريب، وكل جلسة خطوة جديدة. والليلة، يقدّمون على الخشبة اللي صنعوه بأنفسهم. من «أنا هنا» إلى الخشبة بدأت الرحلة من التعرّف على المساحة وعلى بعض، ثم لغة الجسم والحركة كفرقة، والخيال والتمثيل الإيمائي، وقاعدة «نعم، و…» في الارتجال، وبناء الشخصية بالصوت والمشية، والتعبير عن المشاعر بدون شرح. في الجلسة 9 طلع أول مشهد من أفكارهم، وفي آخر ثلاث جلسات كتبوا مشاهدهم وتمرّنوا عليها في فرق صغيرة بأدوار واضحة. اللي شفناه يتغيّر في الجلسة الأولى، أغلبهم يتكلم بصوت واطي قدام المجموعة. في الجلسة 12، يوقفون في نص الخشبة ويرفعون صوتهم. بدأوا يشرحون الفكرة بالكلام بس، وصاروا يوصلونها بالجسم والصوت والنظرة. وكل واحد كان في زاويته مع اللي يعرفه، واليوم فرقة وحدة تكمّل جمل بعض. برنامج الليلة الافتتاح: المسيرة والسلام الوطني 01 شهر في CUBS: المدربين والمشاركين يلخّصون شهر كامل 02 لا تلمس: علبة فلوس، وجملة ما انقالت 03 التبديلة: فسحة، علبتين أكل، وصفقة العمر 04 ستايل أختي: بلوزة جديدة اختفت، والتحقيق بدأ 05 سؤال رائع!: مقابلة وظيفية، كل جواب فيها جاهز 06 الرقصة التعبيرية: رقصة مستوحاة من هويتنا السعودية 07 مو موضوعنا: درجات نزلت، وعائلة تغيّر الموضوع 08 قطوة جدة: عشرة آلاف متابع، ومكتب المديرة 09 أغنية الكورال: أصوات CUBS في أغنية وحدة 10 صورة العيد: عائلة، جوال، وصورة عيد ما تكتمل 11 إيش بتسوي؟ (What are you doing?): لعبة ارتجال لسرعة البديهة 12 إيش الغدا؟: أخت تدوّر على شي، وأخ جوعان 13 الحساب: ثلاثة أصحاب، عشا، وفاتورة وحدة 14 تجربة أداء: مخرج صارم، ونجوم المستقبل في تجربة الختام: تسليم الشهادات والصورة الجماعية كل مشهد بدأ من فكرة قالها واحد منهم في الغرفة. من يقود ياسر بكر × ماجد العمودي: أكثر من 10 سنين في التدريب والفنون الأدائية، وأكثر من 10,000 متدرب في برامجهم. ومعهم مدربون مساعدون من خريجي برامج فنك، عاشوا التجربة بأنفسهم واليوم يقدّمونها لجيل جديد، مع إشراف تربوي للفئة الأصغر طول البرنامج. بأصواتهم «التيم وورك وجو المكان في CUBS رهيب! نشتغل مع بعض، ونتعاون، ونستمتع بكل لحظة!» — عبدالرحمن «أحب CUBS لأننا نتعلّم التمثيل بجد، مو تمثيل أطفال صغار! أحب المكان مرّة، وأبغى أجي هنا كل يوم عشان أتعلّم أكثر!» — أوس «في CUBS كوّنا صداقات جديدة، وتعلّمنا نثق ببعض، ونفكر خارج الصندوق!» — ليان معهد فنك للمواهب والفنون منشأة تدريبية مرخّصة من وزارة الثقافة.

تنبيهات

• لكل ضيف رمز QR خاص، نمسحه عند الدخول.
• الأبواب تفتح الساعة 4:00، والعرض يبدأ بالوقت. ننصح بالحضور بدري.
• الجلوس حر، وأول من يوصل يختار مكانه.
• فريق فنك يصوّر الحفل بموافقة مكتوبة من أهالي المشاركين. نتمنى منكم ما تنشرون وجوه أطفال غير أطفالكم.
• لكراسي ذوي الإعاقة أو أي استفسار: info@fennecksa.com

كيف تصل؟

الإلغاء والاسترداد

استرداد كامل للتذكرة العامة حتى الجمعة 6 نوفمبر الساعة 4:30 م. بعدها ما فيه استرداد، وتقدر تحوّل تذكرتك لشخص ثاني بالتواصل معنا.

تحتاج مساعدة؟

تواصل معنا على info@fennecksa.com